لاتعتذر بدموع هذي النهايه....!!

]**لاتعتذر بدموع هذي النهاية


إبعد وأنا ببعد ماورى البعد ترجيع**







**إن قلت وإن ماقلت ردي كفاية

خل الفراق يرد على المواضيع**








**ماتلتقي بالدرب غاية وغاية

والدرب واحد مايجي فيه تنويع**







**مادام كلن ماشي حسب رايه

انته وانا ندخل في متاهات ونضيع**







**أحسن لنا نبعد وننسى الحكاية

أحسن لابالوهم نبني مشاريع**







**ابعد وانا المسؤول كانه خطايه

واسأل جميع الناس للحب تشريع**







**خيبت ظني فيك وانته منايه

حاولت اكمل بس مامنك تشجيع**







**والله ماضنيت هذا جزايه

وانا بحبك كنت لا اشري ولا ابيع**







**عمر النهاية ماتسمى بداية

حتى ولو كانت دموع وتواديع**


أتمنى انها تنال على اعجابكم.. لكم ودي